Kawngpui siamṭhat dan tur sawiho

Upper Khatla kawng­pui phei, Baptist House awmna leh a panna kawngpui siamṭhat dan tur ngaihtuahin nimin khan UDPA minister Zo­dintluanga hoin a pisaah PWD hotu te, Aizawl DC, Geology & Mine­ral Resources leh UDPA ho­tute an ṭhukhawm.

UDPA Minister chuan, Aizawl khawpui mamawh project pawimawh tak mai kalpui a nih laia duh loh anga harsatna sorkarin a tâwk leh Bible House leh Baptist House tana harsatna a han awm chu pawi a tih thu a sawi a, "Theihtawpin sorkarin a siamṭhat hna a thawk mek a, sorkar zai ngaia lo nghah hram hram a ṭul a ni," a ti.

Meeting chuan, Hazard Safety Cell chair­man Henry Lalmuan­kima, PWD chief engineer hoin PHE, UDPA leh GMR officer-te'n a hmunah remchang hmasaah enin report siam se, fûr thlen leh hmain siamṭhat dan ngaihtuah ni se, an ti.

Circuit House awmna hlui laih zâwl tâk chu hmun ṭhenkhatah a lei tihngheh nan earth piling tih ni se an ti a; chuta tan chuan GMR department hmanraw neih bakah, PHE leiverhna hman theih dan ngaihtuah ni se, tih a ni. Circuit House awmna ṭhin laih zâwl tak chu gabion wall siam belh ngai a awm chuan siam belh ni se, an ti bawk.