Independence Day hman dan tur rel

Nimin khan Lunglei, Kolasib leh Mamitah kumina Independence Day hman dan tur DC hoin rêl a ni. Lungleiah chuan chawhma dar 10-ah Convention Hall-ah hman a ni ang.

Lungleia I-Day hman dan tur relnaah bawrh­sap V Lalsangliana chuan, Covid-19 vangin kum dang angin I-Day lawm theih a ni dawn lo tih sawiin, "Ram ni pawimawh a nih angin hman ngei a ngai si a ni," a ti a, Covid-19 laka fimkhurna dan zâwm chunga hman dan ngaihtuah turin kal khawmte a sáwm.

Meeting-a an rêl dan chuan, I Day-ah hian minister C Lalrinsanga khuallian a ni dawn a, guard of ho­nour pek leh hnam hla rem turin 2nd battalion MAP ruat an ni. Kolasib-ah chuan bawrhsap Dr H Lalthlang­liana hoin I-Day hman dan tur rèl a ni a, Covid-19 hripui laka invenna leh himna ngaihtuah chungin, mi tlem thei ang ber leh hautak lo thei ang zawnga hman turin an rél. I-Day hi DC pisa tual záwlah lawm a ni dawn a, parade a awm lo ang.

Mamitah chuan district bawrhsap Dr Lal­rozama hoin I-Day hman dan tur rél a ni a, chawhma dan 10-ah DC pisa tual záwlah hman tura rel a ni. Khuallian atan minister of state Lalchhandama Ralte beisei a ni.