Lirthei chesualah mi pali an thi

December 15, Zirtawpni zan dar 7:30 vel khan Siaha Meisatla thlanga ABC Home bulah Lopu aṭanga Siaha pan maxicab chesualin, kawng thlangah a lum a; a hmunah pali an thi a, pariat an hliam.

Chetsualna hmuna thite chu - V Beihneingia (28) d/o VT Kheimo, Beiaw (14) s/o H Ngura, HV Naki (40) w/o H Ngura leh HT Sepaw (58) w/o R Zahawma te an ni a, Lopu khua vek an ni.

Hliam pariat zinga panga chu an nat zual deuh avangin Lunglei Civil Hospital-ah kalpui an ni a, a bak mi dang pathum chu Siaha District Hospital-ah enkawl an ni. Driver sawi danin, lirthei chetsual chhan hi kawng chho ulh laiah lirtheiin a zo lo a, a brake-in tiding zo loin kawng thlangah an lum ta a ni.