Hindi zirtirtute'n MoS an hmu

Mizoram CSS Hindi Teachers Association hruaitute chuan December 15, 2017 khan New Delhi-ah Rajya Sabha MP Ronald Sapa Tlau hmalaknain Human Resource Development (HRD) minister Prakash Javadekar an hmu.

HRD Minister chuan, Mizoramah CSS hnuaia Hindi Language Teacher Scheme thar kalpui vat tum a nih thu sawiin, tun aia scheme ṭha leh chang­tlung zawka kalpui tura ruahmanna siam mek a nih thu a sawi a; chuan Mizoramah Hindi theh lâr leh ngaihsan a nih theih nan an thuràwnte a rang lama Mizoram MP kaltlanga a hnena thehlut turin a lo hrilh.

Mizorama CSS hnuaia Hindi zirtirtu mi 1,305-te'n an hna an chhunzawm leh theihna turin MCHTA office bearer-te chu New Delhi-ah an cham mek a ni.