Interpol-in India ngenna hnawl

Sorkar laipuiin Islamic preacher Zakir Naik-a laka red-corner notice tichhuak tura a ngenna chu Interpol chuan a hnawl sak.

Interpol chuan ram hrang hranga police agency-te hnenah India-in a thawn, Naik-a chungchang pawh an database aṭanga paih turin a ti bawk.

Zakir Naik chuan Interpol thutlukna siam chu lawmawm a tih thu a sawi nghal a, India sorkar leh India agency-te pawhin a laka thubuai hrang hrang an siamte tihtawp se a duh thu a sawi bawk.

Kum 52 mi, medical doctor, Zakir Naik hi sakhaw inkara inhuatna chawk tho thei zawnga thu sawi ṭhinah puh a ni. A thusawi pakhatah chuan Islam sakhaw phatsantu leh mahni anpui kawp chingte chu thi tura hremna pek a rawt bawk. Mahse India sorkarin a puhna chu thu dik lo niin a sawi a, Narendra Modi-a kaihhruai sorkar chuan Hindu chawi lar duhtu a ni a, a mimal takin amah pawh an bitum phah niin a sawi.