Aizawlah No Tolerance ṭan a ni

Aizawl khawpuiah nimin khan ngaihhnathiamna tel loa lirthei endik hun, No Tolerance Drive/Checking neih ṭan a ni. Nimin khan Vanapa Hall kawt leh Dawrpui pheiah lirtheite endik a ni a, lirthei neitu/khalhtute chu an document hrang hrangte endik a ni.

Traffic Police hotute hnen aṭanga thu dawn danin, nimin khan dan bawhchhia mi 133 man an ni a, mi 80-in pawisa an chawi nghal a, mi 53-in pawisa chawi tur an la pe lo.

Pawisa chawi tlingkhawm chu Rs 1,57,400 a tling. Lirthei mante chu - two wheeler 108, LMV 22 leh taxi pathum a ni. Traffic Police hotute chuan, dan bawhchhia an man zingah driving license nei loa lirthei khalh te, dik lo taka lirthei siam danglam nasa te, number plate tê lutuk te, insurance fel lote chu dan an bawhchhiat tam zualte a nih thu an sawi.