Aizawla hmasawnna ruhrel din tur Chief Minister hoin enfi ah a ni

Chief minister Zoramthanga leh Telecommunications Consultants India Limited (TCIL) hotute chuan nimin zing khan Aizawl khawpui leh a chhehvela hmasawnna ruhrel lian dinna tur hmun remchang an enho.

Hmun enhonaah hian Central Workshop, Hlimena sumdawnna lirthei tana chawlhna tur terminal sak theih dan tur te, Ministry of Road Transport and Highways aṭanga sum hmuh hmanga Transport department hnathawh mekte an enho a ni. Lalsavunga Zoological Park, Chaltlang Tourist Lodge tihchangtlun theih dan tur, Chaltlang leh Bawngkawn inkara elevated road siamna tura TCILin ruahmanna an siam tawh tihpuitlin dan turte an enfiah bawk.

Muanna Venga Supply kudam pawh CM ho hian an tlawh a; ruahman anga mipui tana awlsam zawk tura sawn a nih hnua a hmun hman ṭangkai theih dan tur an sawiho a ni.

Chief Minister hi secretary to CM K Lalthawmmawia, PWD engineer-in-chief Bowman, Tourism joint secretary V Lalengmawia leh officer dangte'n an ṭawiawm a ni.