MPF leh political party thawhhona thuthlung sawiho leh hun tur ruat

Mizoram People Forum (MPF) Governing Board chu nimin khan an president Rev.Dr Vanlalnghaka Ralte kaihhruaiin Synod Committee Room-ah an ṭhukhawm a; MPF leh political party-te thawhhona thuthlung enṭhat mek chu January 24, 2023-ah political party aiawhte nen sawiho leh an rêl.

MPF hruaitute ṭhukhawm chuan, kum 2023-a MLA inthlanpui neih tur puala MPF leh political party-te thawhhona thuthlung enṭhat mek chu January 24, 2023-ah political party tin aiawhte nen sawiho leh ni se, an ti.

M P F G e n . H q r s president thar lak luh hun atan January 9, 2023 an ruat a, president thar lak luh a nih hma chuan president ṭang lai Rev.Dr Vanlalnghaka Ralte chu president a ni rih ang.

M P F G e n . H q r s president Synod moderator an ni ṭhin a; president ṭang lai Rev.Dr Vanlalnghaka Ralte chu Synod moderator a nihna a tàwp tawh avangin president thar ruat a ngai a ni. MPF danah MPF president chu Governing Board-in kum thum atan a ruat ṭhin ang' tih a ni.