PC-in LGBTQI tana in sak an dodal

Peoples' Conference party senior vice president Lalrinzuala Chawngthu chuan, neih inangte tana in sak tuma sorkar hmalakna chu an partyin an dodal thu nimin khan a puang a; sorkar hmalakna chu sût turin an phût tih a sawi.

Lalrinzuala Chawngthu chuan, ''Tun hnaia LGBTQI (Lesbian Gay Bisexual Transgender Queer Intersex)-te tana Sakawrtuichhun rama shelter sak tum hi kan pawm thei lo. Pianpuite chu sawi phâk awm lo mah se, nikhaw hriat hnua nikhualo tam tak mipuiin kan ngaihmawh em em laiin, vulh lenna kawng nì-ah kan ngai a, Mizorama buaipui tham ni lo kha buaipui thamah kan chhuah phah thuai dawn a ni," a ti.

PC Senior Vice President chuan, Kristian sakhaw innghahna Bible chu Mizoram leh hnam lungphûm lungphûm a ni tur a ni tih sawiin, "Neih inang inkawp hi kohhran duh loh leh Kristianna nena inmil lo a nih avangin Mizoram sorkar hian he hmalakna hi sût leh vat rawh se," a ti a; sorkar laipui aṭangin in sa tura hriattirna copy Mizoram sorkarin hmuh theih tura a pho lang a nih loh chuan social media-a sawifiahna ringawt an pawm loh thu a sawi bawk.