MJS atan mi pasarih an tling

13th December, 2022

Mizoram Public Service Commission (MPSC) chuan Mizoram sorkar Law & Judicial department hnuaia thawk tur, Mizoram Judicial Service (MJS) lâkna a kalpuiah nimin khan result a tichhuak a, mi pasarih an tling.

MJS (Civil Judge) Grade-III laknaah hian November 1-2, 2022 khan Main Examinations buatsaih a ni a, personal interview turin mi pasarih chiah an tling. Nimin khan personal interview neih niin, tlaiah result tihchhuah nghal a ni.

Thu dawn danin, MJS Rules angin, MJS ni tur hian exam leh interview-ah mark hmuh ngai zat bithliah (cut-off mark) a awm a, chumi hmu tling lote chuan an paltlang thei lo. Tun ṭum exam-ah hian post pasarih a awm a, post awm zat chiah - mi pasarihin main exam an paltlang a, chu'ng mite chuan personal interview an paltlang vek bawk a ni.