Chanmari-ah in pahnih a kâng

Nimin chhun dar 12 leh 12:30 inkar vel khan Chanmari, Aizawla Liannawla (L) in, Assam type leh cement concrete in pakhat ve ve a kâng a, bungrua chuh hman a ni lo.

Bialtu corporator Rosiamngheta hnen aṭanga Vanglaini thu dawn danin, Assam type in kâng chu chhâwng thum a ni a, chhungkaw parukin an luah. RCC in pawh chhâwng thum tho a ni a, Liannawla (L) fate'n an luah a ni.

Assam type in aṭanga kâng chhuak a ni a, a chhaka RCC in a kâng kai a ni. In a kan ṭan laiin ina awm an awm mumal lo a, kângmei a chhuak tih hriat a nih chuan a kâng nasa hman tawh a; Assam type in a kâng chhe vek a, RCC in pawh a chhunga bungruate a kâng chhe vek bawk. Kângmei chhuah chhan hi hriat a ni lo.