Damdawi ruih theih chungchang sawiho a ni

Aizawl bawrhsap Dr Lalhriatzuali Ralte kaihhruaiin nimin khan Nasha Mukt Bharat Abhiyaan (Drug Free India Campaign) Aizawl District Committee chu Mizoram Social Defence & Rehabilitation Board training hall-ah an ṭhukhawm a, hmalak zel dan tur an sawiho.

Ṭhutkhawmah hian, chak zawka hmalakna kalpui a nih theih nan Nasha Mukt Bharat Abhiyaan Aizawl District Committee hnuaiah sub-committee pali an din a; chu'ngte chu - Task Group Sub-Committee, Drug Prevention in School & Colleges Sub-Committee, Sub-Committee on Near Drug Free Village/Locality leh kohhrante telna sub-committee-te a ni.

Task group committee hian Aizawl khawpuia damdawi dawr 118 an tlawh tawh a; damdawi ruih theih chite kum 18 hnuai lamte hnenah hralh lo tur leh doctor chawhna lehkha tel loin damdawi, a bikin ruih theih chi pe chhuak lo turin an hriattir tawh a ni.