Registrar of Births and Deaths training

Aizawl district chhung, AMC páwn lam mite tan nimin khan Economics & Statistics conference hall-ah 'Registrars of Births and Deaths (RBD) Annual Training’ buatsaih a ni a, Aizawl bawrhsap Dr Lalhriatzuali Ralte, district registrar of births and deaths ni bawkin a hmanpui.

Dr Lalhriatzuali Ralte chuan, RBD-te hnathawh a pawimawh avangin intuaithar reng a ṭul thu a sawi a, "RBD hna hi sorkar tan a pawimawh telh telh dawn. Digitised birth and death certificate pek chhuah hian electoral roll-a birth certificate lem leh fel tâwk lo awm thei lakah nasa takin a pui dawn a, QR code hmangin felfai taka enfiah theih a nih dawn," a ti.

Digitised certificate chu uar zawk leh huapzo zawka puanzar ṭha a tih thu Bawrhsap chuan a sawi a; ram leh hnam humhalh nan leh electoral roll felfai leh thianghlim nei turin thawhhona ṭha a pawimawh thu a sawi bawk.

RBD Annual Training-ah hian registrars of births and deaths unit 65 an tel a ni.