END basic training course zote thlah

Excise & Narcotics department (END) hnuaia Central Training Institute (CTI), Sesawnga basic training couse zo mi 51-te chu nimin khan passing out parade neihpui an ni a, END secretary KT Beicho-in a hmanpui.

Traning chhuakte hi mipa 46 leh hmeichhia panga an ni a; inspector pali, constable 45 leh driver pahnih an ni. KT Beicho chuan, training zote chu sorkarin ram leh hnam leh mipui tana hmasawnna atana a duante tihhlawhtlin a nih theihna tura thawk tura beisei an nih thu sawiin, "Ruihhlo donaah theihtawpa mipui leh NGO-te nen thawhhona ṭha tak nei a, ṭhahnemngai taka thawk tur kan ni,” a ti.

Passing out parade-ah hian training laia ti ṭhate hnenah lawm­man hlan a ni a; best turn-out - Samuel K Vanlaldika (constable), best in discipline - Ramtharmawia (consta­ble), best in drill - Joseph Ramthanzauva (constable), best in shooting - David Mal­sawmtluanga (constable) leh best all-rounder - Lalhmingtani (constable)-te an ni.