Rialin in 454 a déng chhia

Nimin zing khan Mizoram khawthlang lama Mamit district-ah nasa takin rial a tla a; hriat theih chinah Zamuang, Réngdil leh Damdiai khuaah in 454 a déng chhia.

Réngdil khuaah chuan rialin chenna in 211 a déng chhia a, chu'ng zinga in 91 chu a chhe nasa zual. Zamuang khuaah in 216 vel a déng chhia a, chhe nasa in 82 a awm. Damdiai khuaah chuan rialin in 27 a déng chhia a, in che nasa zual pali a awm bawk.

Mamit District Disaster Management chairman Dr Lalrozama, district bawrh­sap chuan, nimin khan Réngdil leh Zamuang khua a tlawh nghal a, Mamit SDO(C) Victor Lalawmpuia'n Damdiai khua a tlawh bawk.

Mamit District Disaster Management Authority hmalaknain khaw pathumte chu silpauline pek nghal a ni a, a ṭul dan azirin râng­va pawh pek tura rua­hman a ni. Mamit DC hian Rengdil leh Zamuang khuaa hnatlangte ei leh in senso atan Rs. 5,000 ve ve a hlan a ni.