CM hoin kuhva rah leh ruihhloa Hma latu tur task force din rel a ni

Chief minister Zoramthanga hoa nimin chawhnua sorkar hotute leh Central YMA hruaitute CMO conference hall-a ṭhukhawm chuan, ruihhlo leh kuhva chungchangah chak zawka hmalak a nih theih nan task force din an rél a; check gate leh duty post a tam thei ang ber siam an rél.

Ṭhutkhawmah hian dan loa kuhva tawlh leh chumi avanga Mizorama kuhva chíngtute harsatna tawh te, tun hnaia Central YMA leh Mizoram Police hmalaknate tarlan a ni a; ruihhlo do chungchanga hmalakna leh harsatnate sawiho a ni bawk.