MNYF-in ráltlânte thilpek an hlàn

Mizo National Youth Front (MNYF) Myanmar ram tualchhung buaina avanga sahimna zawnga Mizorama rawn tlanchhiate awmna hmun pahnih pahnih - Sihhmui leh Sihphir camp-a awmte chu an awmnaah an kan a, Krismas pualin ṭanpuina thilpek eng emaw zat an hlân.

Thilpek hlanna in-khawmah MNYF vice pre-sident Zodinpuia chuan, India ram chu UN Refugee Convention 1951 leh 1967 Protocol pawmtu ni lo mah se, Myanmar leh Bangladesh aṭanga Zo hnahthlak ráltlânte chu theihtawp chhuahin MNF sorkarin a tuamhlâwm zel dawn thu a sawi.

Zodinpuia chuan, tualchhung buaina avangin Myanmar aṭangin ráltlân 40,000 dáwn leh Bangladesh aṭangin ráltlân 300 chuang Mizoramah an lut tawh tih a sawi a, "Myanmar aṭanga ráltlânte chenna tur Mizoram hmun hrang hrangah camp 160 zet buatsaih a ni tawh. Zo hnahthlak hnam zawng zawngte tana pa nih tling chief minister Pu Zoramthanga kaihhruaina hnuaiah thlamuang takin kan khawsa thei a ni," a ti.