ZPM-in Uniform Civil Code duh lo

ZPM Political Affairs Committee (PAC) exten­ded nimina ṭhu­khawm chuan Rajya Sabha Win­ter Session neih meka Uniform Civil Code Bill 2022 chungchanga pri­vate member bill putluh chungchang an sawiho a, he bill hi India ram inpum­khatna tichhe thei, hnam tlem zawk leh sakhaw tlem zawkte tana hlauh­awm tak nia an hriat avangin hnawl leh turin an duh.

ZPM PAC chuan bill putluh anih laia Mizoram aiawh member awm chhun Rajya Sabha MP K Vanlalvena, MNF party-in a dodal ngam lo nia sawiin, "Mizoram MP-in a ngawihsan hi kan dem takzet. Rajya Sabha-a he bill hi sawiho a nih hunah ngawihsan tawh loa, he bill chungchanga Zoram mipui tana an party dinna sawi chiang ngam turin kan phut a ni," an ti.