Sikpui Lunglen hman a ni

Mizo Students’ Union (MSU) chuan nimin khan Hlimena Lalsavunga Park-ah Sikpui Lunglen (Cultural & Traditional Day) an hmang a, deputy chief minister Tawnluia'n hmanpuiin, MSU music video ‘Zonunmawi chawila’ tih a tlangzarh.

Tawnluia chuan, "Hnam a dinchhuah theihna tura mi hmasate'n an theihna zawng zawng hlâna kawng an sial tawhte ṭhangthar lo la awm zel tur leh, a bikin zirlaite hian kan ngai pawimawh lehzual tur a ni," a ti a; hnam inpumkhatna, venhimna leh mi dangte nena thawhho thiamnate a pawimawh thu a sawi.

Sikpui Lunglenah hian hnam làm leh zai hrang hrang entir a ni.