Champhai dist-ah kuminah ruihhlo Cheng nuai 3,909.88 hû man tawh

Champhai District Narco Coordination Centre (NCORD) Committee chu an chairman James Lalrinchhana, DC kaihhruaiin nimin khan Excise & Narcotics department meeting hall-ah an ṭhukhawm. Kuminah January 1 aṭanga nimin thleng khan Champhai district-ah Police leh Excise & Narcotics department-te'n cheng nuai 3,909.88 hû ruihhlo an man tawh tih tarlan a ni.

Ṭhutkhawmah hian, ruihhlo vanga mante chak zawka NDPS Act hnuaia hrem an nih theih nan hriatpuitu ṭha leh chinchang hria tam zawk neih a ṭul thu sawi a ni a; thuhretua ṭan chungchangah inzirtirna (legal awareness) zau zawk kalpui a ṭul thu sawi niin, YMA, Police leh END-te chu hma la tura ruat an ni.

Ruihhlo kaihhnawiha mante buaipuinaa chinfel ngaite bawhzui kawngah hmasawnna a awm thu leh fimkhur taka kalpui a ṭul thu tarlan a ni a; Krismas hma ngeia joint operation neih an rél bawk.