CADS batch hnihnate'n heroin Rs 41,39,800 hû an man tawh

Central YMA hnuaia ruihhlo dotu, Central Anti Drugs Squad (CADS) batch hnihnate chuan ni 27 chhungin heroin (no. 4) Rs 41,39,800 hû an man.

CYMA chuan Sep-tember 9, 2022 khan CADS a din thar leh a, batch khatnate chuan September 9 - November 17 thleng ruihhlo do hna an thawk a, batch hnihnate'n November 18 aṭangin an thawk ve leh thung.

CADS batch hnihnate hian nimin thleng khan heroin hawng 113 leh tictac búr 644 an man tawh a, chu chu Rs 41,39,800 man a ni. Khuh damdawi bûr 21 an man tawh bawk. Ruihhlo an man kaihhnawihah mi eng emaw zat an man tawh a, an man zinga pariat chu Excise/Police hnenah hlanin, mi pakua chu home-ah dah an ni a, counselling class neihpui lai mi 103 an awm a ni.