Khawlai chei lawmman atan AMC-in nuai 20 a hmang dawn

Aizawl Municipal Corporation (AMC) Board of Councillors (BoC) nimina ṭhukhawm chuan, kumin Krismas puala khawlai chei lawmman atan AMC sum nuai 20 hman an remti. Ṭhutkhawm hi Aizawl mayor Lalrinenga Sailo-in a kaihruai.

AMC BoC-in a ruahman dan chuan, AMC huam chhunga khawlai chei ṭha zual veng 20 thlan a ni dawn a, veng 20 hnenah cheng nuai 20 sem a ni ang.

AMC chuan, Zema-bawk Local Council aṭanga Zemabawk East leh Zemabawk West indan dilna an remti a; heng veng pahnihah hian LC hrang a din chuan Aizawl khawpuiah local council 87 a awm tawh dawn a ni.

Mizoram Munici-palities (Property Tax Management) Rules, 2014-in kum nga dana property tax area classification ennawn ṭhin tura a phût angin, ṭhutkhawmah hian area classification ennawn a ni.

AMC BoC chuan, sorkar laipuiin Special Assistance ot States for Capital Investment a pek chhuahna atana tih tur a tuk zingah, 'Modernization of Building Bye-Laws' ngaih pawimawh a nih avangin, hei hi AMC Building Regulations-ah telh turin an pawm bawk.