SEDP thawh 2-naah chhungkaw 70,000 hnenah sem a ni dawn - Minister Chama

Home minister Lalchamliana chuan nimin khan a bial Hrangturzo chhunga Hmunzawl khuaah community hall thar a hawng. Minister chuan, sorkar kum thar, 2023-24 chhungin SEDP thawh hnihna kalpui a ni dawn a, chhungkaw 70,000 hnenah ṭanpuina pek a nih dawn thu a sawi.

Lalchamliana chuan, SEDP family oriented second instalment chu sorkarin February 2023 ral hmaa pek chhunzawm a tum tih a sawi a, "A thawh khatnaa chhungkaw 60,000 hnenah kan sem mek bakah hian nakkum sorkar kum tharah chhungkaw thar 70,000 tél hnenah a thawh hnihna kan kalpui leh dawn," a ti.

Minister chuan, khawtlang mipuite'n hmasawnna leh an mamawh thil tam tak an sual chhuah ve theih a awm tih sawiin, chu'ng thilte chu theihtawpa ngaihtuah ve ṭhin turin mipui a chah.

Hmunzawl community hall hi Rural Development sum cheng nuai 18 leh MLA fund Rs 8,00,000, a vaiin cheng nuai 26 sénga sak a ni.