MCU kum 25 tlin lawm a ni

Mizoram Consumers’ Union (MCU) chuan nimin khan Synod Conference Centre-ah Annual General Meeting leh kum 25 tlin lawmna hun an hmang a, Supply minister K Lalrinliana'n

a hmanpui.

K Lalrinliana chuan, MCU chu mipui zirtirnaah ṭan la zual tura chahin, "Mipui pawhin an dikna chanvo hre chianga an au chhuahpui ngam a ṭul. Chumi kawngah chuan ṭanho a pawimawh," a ti a; MCU-in kum 25 a tling ta chuan hmasawn leh zualna leh rah ṭha a chhuah ngei a beisei thu a sawi.

LPG home delivery kalpui chu lawmawm a tih thu sawiin Minister chuan, "A awlsam zawk mai bakah, a him zawk a, in kâng leh rîkrum thilah gas cylinder tam tak kawl ngai tawh loin, insaseng zung zung a awlsam tawh dawn a ni," a ti.

Inkhawmah hian FCSCA secretary Ramdinliana leh MCU president Prof. Chawngsailova ten thu an sawi a; FCSCA deputy director Victor Lalawmpuia'n ‘LPG Online Refill Booking and Home Delivery’ tih thupui a sawi. MCU hruaitu hmasate chawimawina hun hman a ni bawk.