Archbishop Leopoldo Girelli a rawn zin

Roman Catholic kohhran hotu lu ber Pope aiawha India ram leh Nepal ram tana palai archbishop Leopoldo Girelli, India rama Vatican ambassador ni bawk chuan ni thum chám turin Mizoram a rawn tlawh mek.

Archbishop Leopoldo Girelli hian December 17, Inrinni khan Aizawl a rawn thleng a, Inrinni zan khan amah lawmna leh cultural programme Dawrpui Multipurpose Hall-ah hman a ni a; Pope Francis aiawhin Mizoram mipui chibai a bûk a ni.

Leopoldo Girelli chuan, kohhran leh khawtlang tana ringtute thawhhona a ropui a tih thu sawiin, Rome leh Aizawl chu inhlat tak ni mah se, Pope chuan thinlung inhnaih takin ringtute tan a ṭawngṭai ṭhin thu a sawi.

Mi tinte chu an chhehvela mite tan Samari mi ṭha anga an nun a pawimawh thu sawiin, Archbishop chuan, mite chungtlak leh an chunga thunei taka roreltu ni loin, mi dangte rawngbawlsak chunga society din a ṭul thu a sawi a, "Mahni hmasialnate dahṭha a, mi dang tan ui loa kan luan chhuah a pawimawh a ni," a ti.

Archbishop Leopoldo Girelli hi nimin khan Christ the King Cathedral, Kulikawnah a inkhawm a; inkhawm bànah rawng­bawltute leh mipui nen an inkâwm bawk.