NEC golden jubilee lawm a ni

Nimin khan Shillong-ah North Eastern Council (NEC) kum 50-na, golden lubilee lawm a ni a, prime minister Narendra Modi khuallian a ni. Mizoram aṭangin Governor Hari Babu Kambhampati leh chief minister Zoramthanga bakah, sorkar official ṭhenkhat an tel.

PM Narendra Modi chuan India hmarchhaka hna thawh tur project hrang hrang, cheng vaibelchhe 2,450 hû lungphùm phùmna leh hawnna hun a hmang a; chu'ng zingah chuan Mizoram tan Daido-Vawngkawt Road project a tel a ni.

NEC golden jubilee lawmnaah hian Union Home minister leh NEC chairman Amit Shah, DoNER minister leh NEC vice chairman G Kishan Reddy, DoNER minister of state BL Verma leh DoNER secretary Lok Ranjan te pawh an tel a ni.