Gorkha-te'n khawmpui an hmang

Mizoram Gorkha zinga pawl lian ber Mizoram Gorkha Youth Association (MGYA) chuan nimin khan Tuma Resort, Bung Bangla-ah khawmpui 46-na a hmang.

Khawmpui hi MGYA Zemabawk Branch-in an thleng a, Aizawl khawpuia branch 11-te bakah Kolasib, Lunglei, Bualpui, Vairengte leh Siaha Branch aṭangin palai 400 vel an tel.

Conference hi chawng hniha hman niin chawhmaah palai inlawmna hun leh branch-te report sawihona hun an hmang a, chawhnu lamah ro an rel a ni.

MGYA hi kum 1976-ah din a ni a, Mizoram pumah branch 16 neiin, member 4,000 vel an awm mek a ni.