Hindi zirtirtu post ruak la awmte MHSP-in hnawhkhah zel duh

Mizoram Hindi Prachar Sabha (MHPS) chuan December 16, 2022 khan MHSP pisaah General Conference vawi 34-na leh hruaitu thlanna hun an hmang a; resolution siamin, Mizoram sorkarin Hindi zirtirtu tam tak a la thar chu lawmawm an tih thu leh, post ruak la hnawhkhah lohte pawh hnawhkhah zel ni se an duh thu an tarlang.

MHPS hnuaia Prathama (pawl 4), Madhyama (pawl 6) leh Praveshika (pawl 8)-te chu Hindi zirnaa ṭha zawk a awm theih nan MHPS-in exam a buatsaih tawh dawn thu an tarlang bawk. MHPS hian kum 2022-2027 chhunga office bearer tur an thlang a; chairman atan RB Lalmalsawma leh secretary atan PC John Lalremzuala an thlan bakah, OB tur dang mi pali an thlang a ni.