COTPA Enforcement Week hawng

Aizawl City Traffic Police leh Mizoram State Tobacco Control Society (MSTCS) chuan, nimin khan Aizawl SP pisa conference hall-ah 'COTPA Enforce­ment Week' hawnna leh 'Christ-mas Card for Drivers' tlangzarhna inkhawm an hmang a; Aizawl SP C Lalthanmawia'n kaihruaiin, Central YMA president Vanlalruata khuallian a ni.

Traffic police leh MSTCS chuan tun kar chhung hi COTPA Enforcement Week-ah an puang a; Week hi CYMA president Vanlalruata'n a hawng.

Week hman chhungin mipui phur chi lirthei (public transport vehicle)-ah COTPA dan khauh lehzuala kenkawh tum a ni.

COTPA Enforcement Week hman chhungin Traffic police-te leh Aizawl district Anti Tobacco Squad chuan public transport vehicle-ah dan bawhchhiaa mei zu an awm leh awm loh te, COTPA-in a phût 'No Smoking' sticker târ a nih leh nih lohte enfiah a ni ang.

Central YMA Presi­dent chuan driver-te puala christmas card buatsaih chu a tlangzarh bawk a; Traffic police leh MSTCS-te chuan public tran­sport vehicle driver-te hnenah christmas card-te chu an sem dawn a ni.