Silaiin inkâp palh

Remruatkima (12) s/o PZ Vanlalngheta, Kawnpui chu nimin khan ramhnuaiah silaiin a inkâp palh a, a hmunah a ká chhawn lohin a thi.

Kawnpui aṭanga thu dawn danin, Remruat­kima hi a ú nen ramhnuaia an kalnaah silai an thlauh­palh a, silai chu puakin, Remruatkima chu a kâp fuh a ni. He thil thlengah hian thubuai ziah luh a nih dawn leh dawn loh he thu ziah lai thleng hian tihfel a la ni lo. Remruatkima ruang hi postmortem a ni a, vawiinah vui a ni ang.