No Vehicle Zone siam leh dawn

Coordination Com­mittee on Traffic Mana­gement hotute nimina Home minister R Lalzir­liana hoa Secretariat con­ference hall-a ṭhukhawm chuan, kumina hunpui lo thleng turah Aizawl khawpuiah lirthei kal phal lohna hmun, No Vehicle Zone siam leh an rel.

Meeting chuan, kum hmasa lama lo tih tawh ang bawkin lirthei tlan dan tur bithliah ni se, an ti a, a hun atan December 22, 23 leh 30 an ruat.

Nikuma kea kalte tana Zion Street kawng chho one-way siam chu tihtawp a ni dawn a, khawi hawi zawng pawhin kea kal phal a ni ang. Hunpui chhunga kawngpui sira sumdawng inzuar turte khuahkhirh hna chu AMC kuta dah a ni.

Meeting-ah hian minis­ter pathum - Lalsawta, Zo­dintluanga leh John Ro­tluangliana te pawh an tel.