Mizorama chhiatna thleng ṭanpuina atan Mizoram tan cheng vbc. 49.02 pek remti
Union Home minister Rajnath Singh hoin High Level Committee (HLC) for Central Assistance to the States of Manipur, Mizoram, Kerela chu December 14, 2017 khan an ṭhu a; Mizoramin kumina khuarel chhiatna a tawnah ṭanpuina atan cheng vbc. 49.02 pek an remti.
Meeting-ah hian Mizoram leh Manipur-a kumina leimin leh tuilian vanga khuarel chhiatna thlenga chhawmdawlna pek dan tur leh kum 2016-17 chhunga Kerala-a khawkhéng vanga lo neitute tawrhna chhawmdawl dan tur an ngaihtuah a ni.
Meeting chuan, Mizorama khualrel chhiatna chhawmdawl nan cheng vbc. 49.02 pek an remti a; sum pek tur zinga vbc. 42.77 chu National Disaster Relief Fund (NDRF) aṭanga pek tur a ni a, cheng vbc. 6.25 chu National Rural Drinking Water Programme (NRDWP) aṭanga pek tura tih a ni thung.
Meeting chuan, Manipur-a chhiatna thleng chhawmdawl nan cheng vbc. 130.65 leh Kerala-a khawkheng vanga chhiatna thleng ṭanpui nan cheng vbc. 125.47 pek a remti bawk.
High Level Committee meeting-ah hian Union Finance minister Arun Jaitley, Agriculture and Farmers’ Welfare minister Radha Mohan Singh leh Home secretary Rajiv Gauba te an tel a; Home, Finance leh Agriculture-a sorkar official-te leh NITI Aayog hotute an tel bawk a ni.