YMA duty senso tur hlân

YMA sub-headquarters, Lunglei chuan nimin khan Lunglei khawpui huam chhunga YMA branch 21 hnenah Krismas leh kum thar vuakveta YMA duty-te senso atan Rs. 2,500 ṭheuh leh, hâlpuah, hâlmawi, leh a kaihhnawih thilte hâl lo tura ngenna banner pakhat ṭheuh an pe.

Lunglei sub-hqrs. YMA hian a hmain an huam chhunga YMA group 15 hnenah hunpui laia duty senso atan Rs. 5,000 ṭheuh a lo pe tawh bawk.

YMA sub-headquarters, Lunglei pisa hi kum­in atan nimin khan khâr a ni a; Sub-hqrs. YMA president R Lalnunthara chuan, YMA chu hunpui lo thleng turah mipui nunaute'n an thlamuanpui leh sorkar pawhin a rin ber an nih thu sawiin, YMA branch tinte chu an huam chhung ṭheuhah mipui himna atan hawihhawm tak chunga duty turin a chah a ni.