Border Safety Monitoring-in ramri véngtute tlawh

Kolasib district chhung state ramri depa task force duty-te mamawh ngaihtuahsaktu tura din, Border Safety Monitoring Team chuan nimin khan task force duty-na hmun 20-a duty-te hnenah buhfai leh thil dang eng emaw zat an pe.

Border Safety Monitoring Team-te hian nimin leh vawiinah ramri vengtute tlawh tura ruahman a ni a; Bairabi North, Bairabi South, Meidum, Pángbâlkawn, Chhimluang, Saihapui-K, Bûkvannei, North Thinglian, Buhchangphai, Phaisen, Bilkhawthlir, North Chhimluang, Vairengte-I, Vairengte-II, Vairengte-III, Vairengte-IV, Phainuam, Saihapui-V, Saiphai leh Saipûmte an tlawh ang.

Kolasib district-a inter-state ramria volunteer duty-te hnenah hian buhfai ip 80, dailuah kg. 200, alu ip 20, purûn kg. 300, chi kg. 40, bekang sa (neutrela) kg. 100, tél litre 80, aieng fûn 100 leh torchlight 73 an pe dawn a ni.