Aizawlah NECBEC ṭhukhawm

India hmarchhak state hrang hranga coopera­tive bank-a thawkte inzawm­khawm pawl, North East Cooperative Bank Employees Council (NECBEC) meeting hmasa ber chu February 8, Inrinni khan Tourist Lodge, Chaltlangah neih a ni a, All India Cooperative Bank Employees Federation general secretary Tapan Kumar Bose-in a hmanpui.

Meeting hi NECBEC president R Vanlalmuana, Mizoram Cooperative Apex Bank-in a kaihruai a, Mizo­rama bank hnathawktu zawng zawngte'n lungrual taka thawhhona an neih theih nana hmalak dan tur te, bank hnathawkte pension, hlawh, service leh PACS hnuaia thawktute dinhmunte an sawiho a ni. 

Meeting-ah hian Assam, Meghalaya, Manipur, Arunachal Pradesh leh Mizorama cooperative bank hruaitute an tel.