Edu-Challenge result tihchhuah a ni

State Council of Educational Training and Research (SCERT)-in Online Edu-Challenge 2020 an buatsaih thawh lina, secondary school-te tana an buatsaih result chu nimin khan tihchhuah a ni.

Edu-Challenge thawh linaah hian PC Lalliantluangi, MICE chu pakhatna a ni a, zirtirtute intihsiaknaah Vanlalsiami Ralte, Home Missions School, Zarkawt chu pakhatna a ni thung.

SCERT chuan Edu-Challenge thawh ngana an kalpui leh mek a, primary school zirlaite tan 'Arpui sen tê' thawnthu awmzia tilang thei tur lemziah, middle school zirlaite tan 'Mauruangi thawnthu' hmanga lemziahte a ni. Elementary zirtirtute tan, zirlaite'n chhiarkawp tui leh nuam ti taka an zir theihna tura zirtirna an kalpui dan turah intihsiakna buatsaih a ni ang. Intihsiakah hian Mizorama zirlai leh zirtirtute an tel thei vek a, SCERT chuan tel turin zirtirtu zawng zawng an sáwm a ni.