MPF Board Executive an ṭhukhawm

Mizoram People Forum (MPF) chuan, nimin khan Synod Committee Room-ah Board Executive Committee meeting an nei a, hruaitu tharte'n an mawhphurhna an chelh ṭan.

MPF meeting hi president kal chhuak tur Rev. Lalzuithanga’n a kaihruai a, hunserh a hman zawhah hruaitu hlui leh tharte'n tmawhphurhna an inhlan. Mawhphurhna inhlan hnuah president thar Rev. F Lalrinnunga, Synod moderator-in meeting a kaihruai a ni. MPF President mawhphurhna hi Synod Moderator apiangin an chelh ṭhin.

Meeting-ah hian MPF dan bu en ṭhat te, Assembly bial hrang hranga thawhho dan tur leh kum 2018-a Assembly inthlan awm tur hmachhawn dan tur zirhona buatsaih chungchang te, Mamit Constituency Forum ṭhen chungchang te, Chakma district-a MPF din dan tur leh political party-te nena thawhhona thuthlung thehdarh chungchangte an ngaihtuah a ni.