Natna chi hnih zirhona buatsaih

World Health Organisation (WHO) leh Mamit Chief Medical Officer (CMO) bultumin nimin khan Mamit CMO conference hall-ah sentût (measles) hri danna, Measles-Rubella vaccination pek beihpui thlak chungchang zirho a ni a, Mamit additional DC H Lianzela'n a hmanpui.

Workshop-ah hian Mamit district-a medical officer, health worker leh SSA Mission hnuaia thawkte an tel a; WHO visiting surveillance medical officer Dr Ayanava Basu chuan a lem nen natna pahnihte chungchang a sawifiah a ni.

Sorkar laipuiin Measles-Rubella vaccination a kalpui tur hi ruahman lâwk ang chuan January 18, 2018-ah ṭan tur a ni a; naupang thla 9 aṭang tleirawl kum 15 inkarte chu hri danna pek vek tura tih a ni.