Chanchinbu hman ṭangkai duh

MJA, Lawngtlai district member-te chuan nimin khan Lawngtlaia IPRO C Lalhruaitluang­a a pisaah an kâwm a, Covid-19 vanga sorkarin puanzar tur hrang hrang a neihah tun aia nasain chanchinbu hman ṭangkai ni se an duh thu an sawi.

Lawngtlai MJA chuan, inkhàrkhipin eizawnna a nghawng zingah chanchinbumite chu a tuar nasa zinga mi an nih thu an sawi a, "Mipuiin kan thuthar chhuahte an ngaihchàn ve reng avangin hna kan châwl tak tak thei lo. Hetih lai hian, chanchinbumite intun nunna pawimawh tak, advertisement sorkar aṭangin hmuh tur mumal a awm tawh lo a ni," an ti.