December 1, 2022 aṭangin SEDP 2nd instalment sem tura tih a ni

Planning & Programme Implemention department-in SEDP hnuaia ṭanpuina sum (family oriented) sem dan tur a duan ang chuan, December 1, 2022 aṭang khan second instalment sem ṭan tur a ni.

Planning department-in ruahmanna a siam dan chuan, SEDP first instalment-a Rs 25,000 an sem chu September 1, 2022 aṭanga October 31, 2022 chhungin a dawngtu tura thlante hnenah sem tur a ni a; November 15 aṭangin second instalment Rs 25,000 dang semna turin implementing department-te chu ruahmanna thehlut tura tih a ni.

Second instalment sum chu November 15-30, 2022 chhungin implementing department-ah pe chhuakin, ṭanpuina chu a dawngtu turte hnenah December 1 aṭanga Februay 15, 2023 chhungin sem tura tih a ni. Chutih rualin, Planning department chuan SEDP sem dan tura ruahmanna siam chu tihdanglam theih a nih thu an tarlang tel bawk.