Tualchher silai man

CID Special Branch leh 2nd Assam Rifles, Aizawl ṭangkawp chuan December 18, Pathianni khan Lalmuanpuia (26), Pàmchung, Khawzawl district, tuna Bethlehem Vengthlanga cheng mek nia inchhál hnen aṭangin tualchher silai (.303 rifle) an man a, Aizawl Police Station-ah thubuai ziah luh a ni.

Police thuchhuah chuan, licence nei lo leh dan loa puak thei thil leh rálthuam kawl leh hralh te, arms license inhlan chhàwnte phal a nih loh thu a tarlang.