Vawk khuahkhirhna thlahdul

Kolasib district-ah African Swine Fever (ASF) léng a ziaawm tawha hriat a nih avangin district bawrhsap John LT Sanga chuan vawk khuahkhirhna thlahdul a nih thu a puang.

Bawrhsap chuan, Mizoram chhung ASF lèn lohna district aṭangin vawk leh vawksa lak luh phal a nih thu a tarlang a; Mizoram páwn aṭanga vawk, vawksa, vawksa rep leh vawksa aṭanga ei tur siamte erawh chu lak luh khap a la nih thu a tarlang.

Vawk damlo talh leh hralh khap a la ni a, vawk thi reng reng chinai nen thûk taka phûm tur a ni. Vawk damlo leh thi a awmin AH&Vety department-ah hriattir tur a ni bawk.