No Vehicle Zone atan ruahmanna siam

Traffic SP chuan thupek chhuahin, December 22, 23 leh 30-a Aizawla lirthei tlan phal lohna hmun leh hun, No Vehicle Zone siam turah mipui hriat turte a tarlang a, "No Vehicle Zone hi bazara mipui kea kalte him zawk nan hman leh tur a ni," a ti.

Traffic SP tarlan danin, December 22, 23 leh 30-ah Chanmari kâwn leh Zodin Square inkarah chawhma 10 aṭanga tlai dar 4 chhung­in lirthei eng pawh tlan phal a ni dawn lo a, thirsakawr leh nawrlirh pawh tlan/kaltir phal a ni dawn lo. Hei hian damdawi-ina emergency duty te, natna vanga damdawi-in pante a huam lo ang.

Aizawl Civil Hospital aṭanga chhuak chhim lam pan turte chu Dawrpui Presbyterian biak-in lamah kual loin, Bazar Bungkawnah tlan tlang theih a ni dawn a; Dawrpui Taxi Stand chu Bâza Tlang hnuai (AR Mandir opposite)-ah leh AR Quarter Guard hnuaiah sawn a ni ang. Chanmari kawn leh Power House inkarah No Vehicle Zone hun chhungin lirthei hûn phal a ni lo.

Chanmari leh Power House inkarah LMV chin hnuai lam te, passenger la leh dah turte tan khawi zawng pawhin tlan phal a ni a, Power & Electricity office kawt zawlah kualin dropping zone-ah passenger-te lak leh thlah zawhah Chanmari lamah tlan an let leh tur a ni.

No Vehicle Zone chhung hian chhim leh hmar inkalpawhna kawngpui (main road) khâr a nih dawn avangin lirtheite chu kawng dangah kal a ngai dawn a, hei vang hian No Vehicle Zone hêla lirthei tlan dan tur rua­hman a ni.

1. Hmar lam pante'n Zodin Square bâk an pêl thei lo ang:
(i) Tlak lamah: Temple-Vaivakawn road zawhin Hunthar Veng junction an pan ang a, LMV leh a aia tête chuan Hunthar Veng pêng - Bawngkawn via Company Peng kawng bakah, Chanmari West lamah chhoin Chanmari aṭangin hmar lam an pan thei ang.
(ii) Chhuah lamah: Sikulpuikawn-Ramhlun Road via Republic Veng - College Veng - Bethlehem Veng - Chhinga Veng - Electric Veng lamah kal theih a ni. Treasury Square - Electric Veng via Republic Veng - College Veng - Bethlehem Veng - Chhinga Veng lamah kal theih a ni bawk.
(iii) Ramthar Sihpui aṭanga Bazar pante chu Bazar Bungkawnah chhuah chhoh phal a ni lo a, Modern High School bulah kualin, Chhinga Veng lamah let leh tur a ni.
(iv) Chhinga Venga Bethlehem Veng pêng aṭangin Bazar Bungkawn kawngah tlan chhoh phal a ni lo.
2. Chhim lam pante'n Bara Bazar kawngah Hrangbana College bak pêl thei dawn lo.
(i) Chanmari Presbyterian biak-in aṭangin Chanmari West kaltlangin Vaivakawn lamah tlan theih a ni ang.
(ii) Bawngkawn - ITI Veng Road via Ramhlun, Electric Veng, Bethlehem Veng, etc. kawngah tlan theih a ni ang.
3. Dropping leh pick-up:
(i) Hmar lamah: Maxicab chin hnuai lam tan passenger dah leh la tur ringawtin heng kawngahte hian kal theih a ni dawn.
(a) Hrangbana College - Mizo High School Field thleng. Mizo H/S Field hi parking atan hman tur a ni a, dropping leh pick-up an ti thei ang a, Zarkawt kâwn lamah chhuk phal a ni lo.
(b) Chanmari Traffic Point - Power House: Lirtheite chu Chanmari aṭanga tlan pheiin, Power House-ah an lut thla ang a, dropping leh pick-up an ti thei ang.
(c) Heng kawng pahniha kal tur ni lote chuan Chanmari Presbyterian biak-in hêlin hmar lamah an kual let ang.
(ii) Chhim lamah: Zodin aṭangin Canteen kualah, AR Mandir hêlin chhim lamah kual let tur a ni.
4. No Parking: No Vehicle Zone hêlna kawngahte hian lirthei eng pawh kawng dâla dah phal a ni lo.
(i) No Vehicle Zone huam chhungah
(ii) Hrangbana College - Mizo H/S Field road
(iii) Chanmari Traffic Point - Power House road
(iv) Temple - Vaivakawn road
(v) Vaivakawn - Hunthar Veng, Chanmari West Junction
(vi) Hunthar veng, Chanmari West Junction - Company peng
(vii) Hunthar Veng - Chanmari Traffic Point via Chanmari West
(viii) Bawngkawn - Sikulpuikawn via Ramhlun-Electric Veng-Modern HSS; Chhinga Veng-Tuithiang-Bethlehem Veng-College Veng-Republic Veng-Upper Republic/Treasury Square
(ix) Armed Veng - Chhinga Veng )Bethlehem pêng)
(xi) Ramthar Veng Sihpui - Electric Veng