Synod Office-in pension turte thlah

Synod Office chuan nimin khan Synod Office-a thawk zinga kumin kum tawpa pension-a chhuak turte thlahna hun an hmang a, kumin chhung atan Synod Office an khâr nghal.

Pension tur thlahna inkhawm hi JM Lloyd Hall-ah neih a ni a, senior executive secretary Rev. Lalramliana Pachuau-in kaihruaiin, executive secretary Rev. B Sangthanga'n thlahna thu sawiin, a ṭawngṭaisak a ni. Synod office-a thawk zingah pension tur pali an awm a, chu'ng zingah chuan moderator kal chhuak Rev. Lalzuithanga pawh a tel.

Nimin vek khan Synod Office hi kumin atan khâr a ni a, January 8, 2018-ah hawn ṭan leha ni ang.

Hetih lai hian, Synod Bookroom headquarters leh branch hrang hrangte erawh chu January 8-a hawn ṭan leh a nih hmain Krismas leh kum thar inkarah hawn a ni dawn a; an hawn ni turte chu - December 29-30, 2017 leh January 5-6, 2018 a ni.