Chief Minister thilpek semchhuah a ni

Chief Minister Discretionary Grant aṭanga sum pek chhuahte chu nimin khan Serchhip leh Mamitah dawngtu turte hnenah sorkar official-te'n an hlan.

Serchhipah chuan thilpek hi DC pisa thawkte'n Shalom Special School leh District Jail hnenah Rs. 3,000 ve ve, Orphanage Home, District Hospital, Zoar Rescue Centre leh Observation Home-ah Rs. 2,500 ṭheuh, Hmangaihna In leh Old Age Home-ah Rs. 2,000 an pe a ni.

Mamitah chuan thilpek hi additional DC H Lianzela leh SP Nararyan Thapa ten an hlan a ni. H Lianzela'n District Jail-ah CM thilpek Rs. 3,000 a hlan a, Narayan Thapa chuan District Hospital hnenah Rs. 3,000 a hlan ve bawk.