Midang tana luang chhuak turin ngen

Central YMA presi­dent Vanlalruata chuan, Krismas leh kum thar vuakvetah halpuah leh halmawi hal aiah midang tana luang chhuak turin Mizo mipuite a ngen.

CYMA-in Ningania Ṭawngṭai Bethel Camping Centre, Chawnpui hnena thilpek an hlannaah thu sawiin Vanlalruata chuan, halpuah leh halmawi hal a nih lohna atan sorkar nena ṭangrualin YMA chuan hma a lak mek thu a sawi a, "Mizo mipuite chu mi dang tana inpe leh inphal mi kan nih angin, halpuah leh halmawi hal aiah midang tana luangchhuak zawk ang u. Chu chu nun tihlimtu a nih zawk ka beisei," a ti.

CYMA Pre-sident chuan Krismas leh kum thar chu muanawm taka hman a nih theih nan YMA pawhin ṭan a la dawn tih sawiin, ruihhlo ngai leh awm ṭha duh lo an mante chu a ṭul dan angin Tawngtai Bethel Camping Centre-ah an dah zel dawn tih a sawi bawk.