No Tolerance Drive-ah lirthei 987 an man tawh

December 11 aṭanga Aizawl Traffic Police leh Transport Department enforcement staff-te'n, ngaihhna thiamna tel loa lirthei enfiahna 'No Tolerance Drive ' an neihah December 20 thleng khan lirthei 987 an man a, lirthei neitute pawisa chawi tlingkhawm chu Rs. 3,88,700 a ni.

Aizawl hmun hrang hrang-ah No Tolerance Drive hi chhunzawm zel a ni a, kumthar thleng chhunzawm tum a ni. Lirthei dan zawm lo neitute chu an remchan chuan a hmunah pawisa chawitir nghal an ni a, pawisa nei remchang lote chu a rang thei ang bera an pawisa chawi tur nena an document-te lam tura hriattir an ni.

Kumin January aṭanga November thleng khan Traffic Police-te chuan dan bawhchhiaa lirthei khalh 12,043 an man tawh a, heng zinga 7,367 chu two wheeler a ni. Octrober khan lirthei chi hrang hrang 2,094 an man a, thla khat chhunga an man tam ber ṭum a ni. November thlenga lirthei chi hrang hrang 12,043 an man neitute pawisa chawi tlingkhawm chu Rs. 40,20,700 a ni.