Covid-19 vangin HCS a buai lo

15th May, 2020

Mizoram State Health Care Society (MSHCS) hotute chuan, Covid-19 vangin Health Care Scheme kalpuinaah buaina an neih phah loh thu Vanglaini palai zawhna chhángin an sawi.

MSHCS hotute hnen aṭanga thu dawn danin, Covid-19 lèn hma ang thoin health care bill an tichhuak thei. Covid-19 avangin thawktute an inkal chhâwk a, bill a luh tam deuh chuan a châwl turte pawh in lama an hnathawh tur hawntir ṭhin an ni.

Sorkar kum thar atan cheng nuai 500 pek chhuah turin an inbuatsaih mek. Health Care Scheme atan hian Mizoram sorkar chuan cheng nuai 2,000 a pe a, chu bakah chuan Asian Development Bank-a sum dah pung thla tin cheng nuai 300 hmuh ṭhin niin, sum lamah thlaphânna tur a awm rih lo.