BMP Meet vawi 3-na a ṭiak

10th February, 2020

Mizoram Baptist Kohhran (BCM)-a Baptist Mipa Pawl (BMP) Inkhawmpui vawi 3-na, February 7, Zirtawpni zana Thingsai khuaa neih chu nizan khan a

ṭiak. Inkhawmpui thupui chu 'Isua zuitu rinawm' tih a ni.

Zirtawpni zanah BMP general secretary Rev. F Ramdinmawia’n BMP Meet vawi 3-na a hawng a, Meet chhunga inkhawm hrang hrangah BCM hruaitute'n thupui an sawi. Nimin Pathianni chawhnu inkhawmah Lalpa Zanriah ṭheh a ni a, BCM president (elect) Rev.Dr K Lalrinthanga'n a buatsaih.

BMP hi May 4, 1980 khan Thingsai khuaah din a ni a, chutih lai chuan Baptist Men’s Fellowship tih a ni. Kum 1983-ah Baptist Mipa Pawl tia thlak a ni a, kum 1988-a BCM Assembly-in BCM hnuaia fellowship atan a pawm. Kum 2018 BCM statistics-a a lan danin, BMP-ah hian member 15,684 an awm a ni.