2023-ah bawlhhlawh ṭawih thei Sarânga fûn a rem tawh dawn lo

Aizawl Municipal Corporation (AMC) mayor Lalrinenga Sailo chuan, kum thar aṭang chuan bawlhhlawh ṭawi theite sarânga fun a remchàn tawh dawn loh thu a sawi a; ṭhangtharte tana chenna tlak khawpui siam turin AMC-in hma a lak zel dawn thu sawiin, mipui ṭawiawmna a ngen.

Lalrinenga Sailo hian nimin khan a pisaah thuthar thehdarhtute a kâwm a; bawlhhlawh sâwngbâwla hma la ṭha lo state-te National Green Tribunal (NGT)-in sum tam tak a chawi tir thu sawiin, "Mizoram erawh chu hremna tuar lo state tlemtê zingah kan la tel hram. A ti ṭha zingah tel mah ila, kum thar aṭang chuan ṭawih theite hi sarânga fûn tawh loin, bawlhhlawh paih lirtheia container-ah chhûn khawm zel a ni tawh dawn," a ti. (Phek 2-ah zawm a ni)